Um dónaskap erlendra skemmtistaðagesta

Nú er allt orðið vitlaust í kjölfar ákvörðunar eigenda Kaffi Akureyri að meina hópi pólverja að sækja staðinn vegna kvartana kvenfólks þess efnis að þeir séu með dónaskap og áreitni í þeirra garð og einnig hafa þessir gestir slegist bæði innbyrðis og við íslendinga sem staðinn sækja. Ég styð þessa ákvörðun forsvarsmanna Kaffi Akureyri heilshugar en mér dettur ekki í hug að dæma pólverja verri en aðra þannig séð og eitt veit ég að það skiptir engu máli hvort menn eru frá Patreksfirði eða Póllandi þegar þegar þessi ákvörðun er tekin enda á svona framkoma ekki að vera liðin en engu að síður er það staðreynd að í þessu tilfelli er um pólverja að ræða og því miður er þetta ekki eina tilfellið þar sem pólverjar koma við sögu í leiðinda málum og er skemmst að minnast nauðgunarmála undanfarið þar sem pólverjar eru taldir hafa framið þá svívirðilegu glæpi. Alþjóðastofa hefur gert verulegar athugasemdir vegna málsins og þá einna helst að í fréttaflutningi sé alltaf tekið fram að um pólverja sé að ræða. Ég bara skil ekki hvers vegna ekki má segja frá þjóðerni manna sem frekja glæpi, hverjir sem þeir eru? Það sem er heila málið í þessu er það að ef menn geta ekki hagað sér eins og siðað fólk hvers lenskir sem þeir eru þá á einfaldlega að grípa til viðeigandi aðgerða og mér finnst eigendur Kaffi Akureyri vera í fullum rétti til þess að vernda gesti sína fyrir ruslaralýð hvaðan sem hann nú kemur

Loksins !

Þá er loksins komið að því að fara fyrsta gæsaveiðitúrinn þetta haustið en einn góður bóndinn ætlar að leyfa mér að fara í kornakur sem hann er með og ætlar aukinheldur ekkert að taka fyrir greiðann. Hann tjáði mér að það hefðu verið mili 40 og 50 gæsir í akrinum í morgun þannig að þetta lítur bara vel út. Það er fátt skemmtilegra en að liggja fyrir gæs og horfa á morgunin lifna við og við bestu aðstæður er ekkert að því að virða fyrir sér lífríkið lifna við og að er ekkert endilega málið að vera í bullandi veiði. Þetta segja margir að sé klisja hjá mönnum sem aldrei fá neitt en þannig er þetta bara og þetta skilja þeir einir sem uplifað hafa. Þannig að kvöldið fer í undirbúning sem er að sjálfsögðu stór hluti af ferðinni.

meira síðar 

Af gráðugum Gæsaskyttum og magnveiðimönnum

Jæja þá er maður byrjaður aftur eftir svokallað sumarfrí en það stóð yfir í einar tvær vikur sem við hjónin eyddum á Tenerife. Að öðru leyti hef ég verið á hafinu bláa og það sem er minnistætt eftir þetta sumar er einstök veðurblíða og ágætis fiskirí. Meiningin er að reyna að skrifa eitthvað milli túra og blása út hugsanlegri skapvonsku sem máski safnast upp á sjónum. Þessa dagana er fátt sem fangar athyglina og fréttir hafa verið með rólegra móti finnst mér, en hið háa alþingi er hafið og má þá væntanlega fara að búast við einhverjum speisuðum málum frá þeim bænum. Jú eitt liggur þungt á mér en ég hef ekkert komist á gæsaskytterí og helgast það af því að það er hvergi hægt að komast í gæs orðið þar sem menn eru búnir að bjóða oft á tíðum stórfé í nánast hvern kornakur og túnbleðil sem von er á gæs og meðalmaðurinn á ekki orðið séns í þetta sport lengur. Ég þori nánast að fullyrða að þetta eru magnveiðimenn sem gera þetta unvörpum og í mörgum tilfellum gera þeir út á útlendinga sem koma hingað til veiða. Mér finnst ekkert að því að bændur fái eitthvað fyrir sinn snúð og í mínu tilfelli hef ég oft átt vöruskipti við bændur, það er að ég hef fært þeim fisk í staðinn fyrir að fá að skjóta á landi þeirra en mér finnst skelfileg þessi þróun að menn sem virðast ekki vita aura sinna tal vaði yfir allt og alla og bjóði hundruði þúsunda í veiðisvæðin og þurfi svo að skjóta gríðarlegt magn af fugli til að tapa ekki á þessum viðskiptum. Ég hef allavega strengt þess heit að borga aldrei peninga fyrir gæsaveiði, fyrr hætti ég að skjóta gæs en að borga stórfé fyrir en fisk skal ég færa hverjum þeim bónda sem leyfir mér að liggja fyrir gæs í landinu sínu.

Hafið bláa

Þá er komið að því að maður fari aftur á hafið eftir nokkurt stopp. Vonandi er sumarið komið fyrir alvöru en veðrið hefur verið óvenju leiðinlegt í vor. Mai mánuður var til að mynda ömurlegur veðurlega séð og mér finnst eins og þetta hafi verið alveg eins í fyrra en vonandi veit þetta á gott sumar. Það er alltaf viss spenningur að fara á sjóinn aftur og vonandi fiskast sem aldrei fyrr. Svo telur maður dagana þangað til við hjónin ætlum að bregða okkur suður í álfu og flatmaga þar í tvær vikur eða svo.

Og handbolti

jæja ekki unnum við serbana en þó eigum við meiri séns með handboltalandsliðinu á móti stærri þjóðum heldur en í fótboltanum og sætari sigrar hafa unnist á þeim vettvangi undanfarin ár. Er bara ekki kominn tími til að eyða aðeins meiri peningum og athygli í handboltann?

 

Sveitasæla

Ég ætla út í Svarfaðardal á morgun. Það hefur verið hefð hjá mínum heiðursforeldrum að fara og snyrta leiði forfeðra sinna á hverju vori og mér finnst þetta fallegur siður. Farið er með blóm og gróðursett og allt er vel snyrt og vökvað. Þetta finnst mér notarlegur siður og ber vott um virðingu fyrir þeim látnu og mínum forfeðrum og gjarnar er farinn rúntur um dalinn á eftir. Eitt hefur hins vegar vakið athygli mína varðandi Svarfaðardal eru bæjarnöfnin en þar má finna Urðir, Ingvarir, Upsir, og svo mætti lengi telja. Ég er ekki að gera lítið úr því fólki sem þarna hefur búið og gefið þessum bæjum nöfn heldur finnst mér þetta bera vott um hugmyndaauðgi og sannar að Svarfdælingar hafa verið langt á undan sinni samtíð hvað nafngiftir varðar eins og með svo margt annað

fótbolti

Ég veit ekki hvort fólk sé búið að fá nóg af íslenska landsliðinu í knattspyrnu eftir miður glæsilega frammistöðu undanfarið. Hver einasti maður sem ég hef hitt virðist hafa lausnina á þessu vandamáli, Eyjólfur á að segja af sér, erlendan þjálfara og ég veit ekki hvað. Hins vegar sá ég viðtal við Gunnlaug Helgason fjölmiðlamann í sjónvarpinu og var honum fullkomlega sammála þar sem hann sagði að hann áttaði sig ekki alveg á því hvers vegna þetta kæmi fólki svona á óvart núna þar sem þetta landslið hafi aldrei getað nokkurn skapaðan hlut í fótbolta hvorki fyrr né síðar þannig að þetta þyrfti ekkert að koma á óvart. Hvaða maður sem er gæti þjálfað þetta lið og það myndi aldrei geta neitt hvort sem er, það er bara staðreynd sem við verðum að sætta okkur við. 

Fyrsta bloggfærsla

Jæja það hlaut að koma að því að maður færi að blogga enda er hver málsmetandi maður með síðu. Þetta verða kannski ekki merkileg skrif en vonandi einhverjum til skemmtunnar. Ég kem aftur!