Hvað er að þessum mönnum?

Þá er ríkið búið að redda Glitni þrátt fyrir að bankastjórinn hafi sagt fyrir örfáum dögum að alls engar líkur væru á því að ríkið myndi þjóðnýta bankanna. Hvernig er það með þessa menn, vita þeir ekkert hvað þeir eru að gera? svo núna þegar ríkið þarf að redda þessum stofnunum eftir allt ruglið og vitlaysuna þá halda þeir að sjálfsögðu vinnunni og öllum milljónunum sem þeir hafa á mánuði. Ekki kemur ríkisstjórnin fólkinu í landinu til hjálpar sem berst núna fyrir að halda fjölskyldunni á floti og skuldir heimilana rjúka upp úr öllu valdi. Nei frekar eru þessir fjármáladrullusokkar verðlaunaðir trekk í trekk og allir virðast sáttir með það. Nú held ég að þessir menn ættu að skammast sín og viðurkenna helvítis bullið og sukkið sem hefur átt sér stað undanfarin misseri

Hvað er með þessi hundanöfn?

Í mogganum í dag var frétt um heilmikla hundasýningu og er það svosem ekki efni í miklar pælingar en ég hef oft pælt í hvað fólki gangi til með að skíra hundana sína þessum ægilegu nöfnum? Tökum dæmi Bernegárdens Prince of Thiefs, Tíbrárar Tindar Tamino. Stekkjardals Cariad For The One. Mér er ómögulegt að skilja hvers vegna þessi grey eru látin heita þessum ægilegu nöfnum, hvað varð um þessu venjulegu hundanöfn? er það kannski vegna þess að þeir eru svo ættgöfugir og hafa þar af leiðandi kostað það mikið að ekki er hægt að láta þá heita stuttum og venjulegum nöfnum. Ég hef ekki hundsvit á hundarækt mér finnst þetta reyndar asnalegt en það er sennilega vegna þess að ég er ekki nógu gáfaður né hef ekki gógu mikið ímyndunarafl til að upphugsa svona fancy nöfn, auk þess á ég ekki hund en á þó kött en hún heitir nú bara Gríma. Kannski finn ég eitthvað flott nafn á hana ef ég fiin eitthvað nógu speisað og flott

 

 

 

 

 

Vont sjónvarpsefni

Ég hef verið duglegur með fjarstýringuna undanfarið og get ekki annað en sagt að sjaldan hefur verra sjónvarpsefni verið í boði heldur en þessa dagana. Stöð 2 þarf að fara að skeina sér duglega því mikið djö... eru margir hrikalega slæmir þættir á dagskrá á rásunum hjá 365. Til dæmis ætla ég að nefna að akkúrat þessa stundina er á stöð2 extra einhver spjallþáttur með Spike Ferensten sem er einhver ófyndnasti maður sem ég hef séð og er að reyna að vera einhver Jay Leno en er svo hrikalega glataður að það hálfa væri nóg. Þá er komið að þessum raunveruleikaþáttum en þar er ruslið alveg yfirgengilegt og maður er alveg búinn að fá uppí kok af því rugli. Stöð 2 bíó er kapítuli útaf fyrir sig en þar er hver mynd sýnd allavega sjötíu sinnum og til að mynda kann ég Walk The Line nánast utan að orð fyrir orð. Svo á mánudags og þriðjudagskvöldum eru endursýningar trekk í trekk. En Stöð 2 sér ástæðu til þess að hækka afnotagjöldin nýverið en það er alveg á hreinu að það er ekki vegna þess að þeir eru að kaupa dýrt sjónvarpsefni svo mikið er víst.

Aldrei má maður ekki neitt!

Jæja þá er það á hreinu að heimsendir varð ekki að þessu sinni. Ekki það að maður hafi verið búinn að búa sig sérstaklega undir það eins og margir en þessi umræða undanfarið um þessa eðlisfræðitilraun hefur verið með ólíkindum og maður hefur hreinlega orðið gáttaður á því hvernig fólk getur látið. Mér hefur oft fundist að maður sé að lesa eitthvað frá Baggalúti enda tækla þeir frábæru fréttamenn hlutina  á talsvert annann hátt en aðrir. Nú fer fólk bara að velta sér uppúr einhverju öðru og verður fróðlegt að sjá hvað það verður. Ég asnaðist til þess um daginn að fara inn á bloggsíðu um daginn þar sem var verið að spá í það hjá hvaða símafyrirtæki væri best að vera með nettengingu og ég léði máls á því að þú ert í raun alltaf hjá Símanum hvort sem þú skráir þig hjá þeim eða einhverjum öðrum þar sem Síminn á allt þetta drasl og sér um að tengja þetta. Ekki voru allir sammála mér og fékk ég mykju í talsverðu magni yfir mig frá nokkrum aðilum en ég held þó að allir sem vilja vita viti að þetta er rétt hjá mér. En ég svosem tók þetta ekkert voðalega nærri mér, ekkert mál að skola af sér mykjuna. Andskoti er samt svekktur yfir því að hafa ekkert komist í gæs og hér með lýsi ég eftir túni eða akri fyrir einn kall

og hana nú!

 

Það á að verðlauna svona tippalinga :):)

Það hefur þá ekki verið nein óhræsis róin sem hann hefur notað ef hann hefur ætlað að nota þungann til að lengja draslið !!! gat hann ekki bara náð í gas og súr og soðið kvikindið af?

Festi ró á getnaðarlimnum

Var þetta nokkuð í blokk eldri borgara?

Hvað er eiginlega með þessa eldri borgara sem reyna að moka fíkniefnum til landsins?? er mafía eldri borgara að grafa um sig?

Kannabisræktun í miðborginni

Heimsendir??? og það 10 sept!!

Það skelfir mig óskaplega að lesa bloggfærslur hjá sumu fólki þessa dagana, ekki það að ég óttist heimsendi heldur óttast ég það meira að vita af fólki sem heldur það í fyllstu alvöru að heimsendir verði  þann 10. setember næstkomandi þar sem einhverjir vísindamenn úti í heimi eiga að vera að fikta við einhvern andskotans hraðal ????. Ég hef ekki minnstu hugmynd um hvað hraðall er nema að mér finnst ég hafa lesið eitthvað um þetta dæmi og þetta gengur að ég held út á það að einhverjum geislum eða slíku er skotið í gegnum þennan hraðal og ætla þessir vísindamenn að kanna áhrif hans. Þeir sem telja heimsenda fylgja í kjölfarið segja að jörðin leysist upp í öreindir sínar og springi!!!. Ég vil nú leyfa mér að hafa aðeins meiri trú á vísindamönnum samtímans og einhvernveginn held ég að þeir myndu varla framkvæma eitthvað sem gæti orðið til þess að jörðin taki upp á því að springa, kommon menn halda varla að þeir hugsi" hey ýtum á takkann og tékkum á hvort jörðin springi " Og by the way ég trúi því heldur ekki að helv.... mennirnir ætli að hafa af mér gæsaveiðitímabilið og svo er mamma gamla á spáni og maður verður nú að fá að kveðja hana!

Sumarið á enda?

Jæja þá sér fyrir endann á þessu ágæta sumri og maður kemur svona þokkalega undan sumrinu í þetta sinn. Veðrið hefur verið með miklum ágætum hér norðan heiða og einnig var bærileg veður sunnan undir afríku í byrjun ágúst þegar við hjónin vorum þar á ferð. Kreppan er þó að ná hámarki segja spekingarnir á fjármálamarkaðnum og verður maður að trúa þeim en það voru jú þeir sem sköpuðu kreppuna og þá hljóta þeir að geta sagt okkur nákvæmlega hvenær henni lýkur. Gæsaveiðitímabilið er hafið og talsverð spenna framundan og þá sérstaklega er maður spenntur fyrir því hvort maður kemst eitthvað til veiða en það er svosem ekkert ólíklegt þar sem stóru strákarnir sem hafa leigt heilu jarðirnar eiga víst í einhverju basli með að borga leiguna af jörðunum svo að það kannski losnar eitthvað um svæði. Annars býð ég yfirleytt bændum fisk í staðinn fyrir að fá að skjóta hjá þeim enda hef ég ekki hingað til höggvið stór skörð í gæsastofninn og á ekki von á að fá beiðni um að draga úr veiðum þess vegna. Já og silfrið kom loksins frá Peking. Nú fer maður að búa sig undir veturinn og vona að hann verði okkur heillaríkur.