"hræ" af skipi ????

Það eru margir misgáfulegir sjónvarpsþættirnir sem boðið er upp á þessa dagana og einn af þeim er Hæðin sem sýnd er á Stöð 2. Þátturinn gengur út á að 3 pör gera upp íbúðir og þá eitt rými í hverjum þætti og svo kemur afar gáfuleg dómnefnd og metur árangurinn. Það var athyglisvert að fylgjast með þætti sem endursýndur var í dag en þar var eitt parið að útskýra hvernig það hefði fengið hugmyndir að innréttinguni og sögðu að þau hefðu farið í fjöruferð og meðal annars fundið "hræ" af skipi og notað hluta af því. Aldrei nokkrun tíma hef ég heyrt um "hræ" af skipi ???? stundum er talað um flak í þessu sambandi en varla hræ??.

Athugasemdir

[Beturvitringur, 21.4.2008 kl. 01:21]

Ætli sama fólk héldi bara ekki að "flak" væri bara eitthvað sem maður keypti í soðið? hmm

[Ingó (IP-tala skráð) 21.4.2008 kl. 21:38]

Sama par hengdi upp járnabindimottur sem "rak" á fjöru. Ætli þessar mottur hafi fallið útbyrðis af skipi ? Og ef svo væri, mundu þær reka á land ? Nei ég held og veit að þær hefðu steinsokkið. Fjaran sem þau fundu þessar mottur í hefur verið inn í miðju byggingahverfi. Hvað er ég að röfla út af þessu? Bið að heilsa þér Þráinn.