breska flugsveit hingað? NEI TAKK!

Hvað ætla íslendingar að láta vaða yfir sig lengi? Ég hélt að ráðamenn þjóðarinnar væru búnir að sjá hvaða viðhorf bresk stjórnvöld hafa til íslendinga og það viðhorf kemur ekki til með að breytast sýnist mér. Sem íslendingur hef ég engan áhuga á að hafa hér breska flugsveit og vona ég að þeir haldi sig heima og ég get ekki skilið að þeir vilji nokkuð með það hafa að þjóna hryðjuverkamönnum? Mér finnst þetta bara svo yfirmáta vitlaust að það nær ekki nokkurri átt.

hverjum er ekki sama!

Einhvernveginn gæti mér ekki verið meira sama um hvernig heilsufarið er hjá þessum blessaða manni sem hefur kúgað sína þjóð alla sína valdatíð.

Ljósmynd vekur upp umræður um heilsufar Kim Jong-il

Sama gamla tuggan

Nú eru þeir Geir og Björgvin að halda enn einn blaðamannafundinn og ekkert er þar nýtt heldur er þetta sama gamla tuggan aftur og aftur. Þeir tala um að það sé reiði í þjóðfélaginu (skarpir) en þeir hafi orðið varir við mikla bjartsýni og dugnað hjá þjóðinni. Hins vegar ekkert talað um hvað eigi að gera og sama gamla tuggan heyrðist að þeim tilmælum hefði verið komið til stofnanna og banka að sýna skuldurum skilning og gangi ekki of hart fram í innhemtuaðgerðum. Gott og vel en tilmæli eru bara tilmæli og ekkert sem segir að viðkomandi fari eftir því, þvert á móti heyrir maður meira og meira af því að harðar sé nú gengið í innheimtuaðferðum, skemmst er að minnast dæmis þar sem Intrum bauð viðskiptavini að hraða innheimtu. Það er ekki nóg að koma fram og lofa öllu fögru á meðan ekkert er að baki þessum loforðum. Þeir skulu fá að vita að þessi reiði er ekki eitthvað sem hverfur á nokkrum vikum þó þeir reyni hvað þeir geta til að draga fólk á asnaeyrunum og fraga máttinn úr fólkinu, það má ekki gerast.

Færeyingar.

Eitt langar mig að minnast á en fréttir af stuðningi frá færeyingum segja manni hverjir eru vinir okkar íslendinga. Það er alveg með ólíkindum að þessi litla frændþjóð okkar er alltaf tilbúin að koma okkur til aðstoðar á hverju sem gengur. Við gleymum ekki miklum stuðningi þeirra eftir snjóflóðin miklu á vestfjörðunum og alltaf þegar eitthvað hefur bjátað á rétta þeir okkur hjálparhönd. Oft hefur maður heyrt íslendinga tala frekar niðrandi um færeyinga en nú ættum við að vera þakklát og fara að virða þessa þjóð eins og hún á skilið. Ég hef verið svo heppinn að koma til færeyja og naut þar mikillar gestrisni og hafði mjög gaman af veru minni þar. Kærar þakkir til færeyinga .

Hvað er að gerast?

Hvað eru stjórnvöld að gera fyrir fólkið í landinu sem er að missa allt út úr höndunum? Nákvæmlega ekkert, það er alveg á hreinu að nú ætla stjórnvöld að nota gömlu aðferðina sína þá að láta tímann líða og láta fólk missa móðinn og hætta að gera athugasemdir við þetta ástand, þetta hafa stjórnvöld gert allt of oft og nú má ekki láta þetta gerast aftur. Mikið óskaplega eru stjórnvöld heppin með að við íslendingar erum eins langþreyttir og við erum því ef þetta væri svona í einhverju landi sem við köllum vanþróað þá væri búið að fangelsa alla þessa útrásarvíkinga og henda lyklinum. Það er ekki einu sinni hægt að kalla landið okkar bananalýðveldi því þau ríki sem við köllum slík bregðast allavega við og taka stjórnvöld og menn sem hafa hagað sér svona í fjármálum úr umferð. Ég krefst þess sem þegn þessarar þjóðar að stjórnin víki! stjórn Seðlabankans á að víkja! draga á menn til ábyrgðar og það strax. Það er alveg á hreinu að það er landflótti í aðsigi og er ég ekki hissa, ég gæti trúað því að þúsundir flyttu af landi brott og það er bara hið besta mál, ráðamenn þjóðarinnar ætla sér ekkert að gera og koma fram við íbúa þessa lands með hroka og yfirgangshætti og hlusta ekki á fólkið og munu ekki gera það. Þá er engin ástæða til að vera hér lengur og mun gáfulegra að fara eitthvað þar sem komið er fram við fólk eins og manneskjur.

DV í dag

Ótrúlegt er að sjá forsíðu DV í dag. Þar eru hjónin Kristján Arason fjármálajöfur og Þorgerður menntamálaráðherra og þar er verið að tala um að þau haldi vonandi húsinu sínu en ævisparnaðurinn sé farinn. Búúúúhúúú!!! er eitthvað merkilegra að þetta fólk sem hefur nú verið á sæmilegum launum hingað til hafi tapað fé undanfarið?? þarna kemur fram að þau hafi tapa peningum á vitlausum fjáfestingum sem litu jú afar vel út í góðærinu en reyndust ekki alveg standa undir væntingum. Þau ættu að hafa eitt í huga, megnið af því fólki sem er að brjast fyrir fjárhagslegri framtíð sinni þessa dagana hefur ekki verið með nándar nándar nærri þau laun sem þau hafa haft sem eru að minnsta kosti 2 milljónir á mánuði, það þori ég að fullyrða. Það fólk sem berst í bökkum núna EIGA ekki húsin sín og íbúðirnar og eru að missa sitt heimili. Menntamálráðherra sagði í sjónvarpinu um daginn "við erum ekki gjaldþrota, við eigum þó minna en það er bara eins og í lífinu" hins vegar segi ég við hana, komdu þér í einhver tengsl við það sem er að gerast og áttaðu þig á hvað fólk er að ganga í gegn um !!!!

Hver andsk....!!!

Nei nú er mælirinn fullur, hvað í andskotanum halda menn að fólkið í landinu láti bjóða sér endalaust! er ekki nóg með að þessir útrásarskítalabbar hafi set allt á hvínandi kúpuna, eiga þeir nú að fá niðurfelldar skuldir upp á tugi milljarða króna? Ég neita að taka þátt í þessari djöfulsis vitleysu lengur! Nú eiga ráðamenn þjóðarinnar að gera eitthvað róttækt eða pakka saman og hætta þessu rugli. Ég yrði ekki hissa þó að borgarastyrjöld væri í aðsigi, allavega er full ástæða til. Nú skulum við ekki láta bjóða okkur svona kúaskít lengur. Ég veit ekki hvernig á að láta ráðamenn taka eftir því sem þjóðin er að tala um, það getur bara ekki verið að þeir séu á sömu plánetu og við hin??. Þeir ætla sér efalaust að draga þetta á langinn og reyna að draga kraftinn smá saman úr okkur en við skulum ekki láta það viðgangast, það er greinilegt að það er ekkert lýðræði og jafnræði í þessu landi lengur, ráðamenn og þeir sem hafa sett þetta samfélag okkar á hausinn eru greinilega skör hærra settir en við hin svo við skulum bara taka slaginn og bregðast á móti með öllum aðferðum. 

Afskriftir

Þá eru stóru strákarnir enn og aftur komnir í fréttirnar og þá fyrir að skuldir þeirra við KB hafi verið afskrfaðar, ég veit svosem ekki hvort maður ætti að skottast upp í banka og kanna hvort þeir séu til í að afskrifa það sem maður skuldar? held samt að það gæti orðið snúið. Nú verður gaman að sjá hvernig  verður brugðist við ef rétt er að þessar afskriftir hafa átt sér stað, látum við enn bjóða okkur það að troðið sé á okkur þó að það sé reyndar orðinn vani og íslendingar viðast ekkert kippa sér upp við að verða fyrir svona meðferð. Ég vona bara þrátt fyrir allt að stjórnvöld taki sig saman og komi fólki sem er að missa allt til hjálpar og ekki þætti mér það skrítið að hjónaskilnuðum fjölgi hratt þessa dagana þar sem fólk ræður ekki við neitt og allt þetta ástand bitnar fyrst og fremst á fjölskyldunni. F'olkið í landinu kann þetta ekki, hefur aldrei upplifað þetta og þarf hjálp. Það er fjölskylda hins venjulega íslendings sem riðar til falls og fellur ef ekkert verður að gert. Það er alveg á hreinu að núverandi stjórnvöld ráða ekki við ástandið og nú þurfum við að taka saman höndum og bjarga því sem bjargað verður svo fjölskyldur í landinu geti lifað venjulegu lífi og sundrist ekki af tómum fjárhagsáhyggjum og framtíðaráhyggjum. Nú fer í hönd mesti verslunartími ársins og grunar mig að það verði ekki stór jólaverslun og margir eiga efalaust eftir að upplifa öðruvísi jól en vanalega.

Merkileg upprifjun

Í fréttatíma RUV nú áðan var farið yfir atburðarrás undanfarinna vikna og merkilegt var að heyra í forsætisráðherranum okkar sem kom fram í hverjum fréttatímanum af öðrum og sagði að ekkert væri að frétta þrátt fyrir næturfundi hér og þar um borgina og greinilegt var að eitthvað meiriháttar væri í gangi. Þessi viðbrögð minna óneitanlega á bullið og hrokann í Davíð Oddsyni og greinilegt að Geir hefur lært þessa framkomu af flokkshöfðingjanum. Geir Haarde segir í dag að þrátt fyrir að mikill meirihluti þjóðarinnar heimti að Davíð fari frá þá fari hann hvergi. Þvílíkur andskotans aumingjaskapur er þetta! Það er alveg sama hvað þessir ráðamenn segja þá er ekki nokkur meining á bak við það, endalaust á að drulla yfir þjóðina og treysta þeir á að við lúffum eins og alltaf. Ég vil ekki leyfa mer að trúa því að þeim verði að ósk sinni með það. Svo koma fyrrum útrásarkappar fram í sjónvarpi og segjast grátklökkir ekki vera neinir auðmenn lengur þó þeir búi í lúxusvillum erlendis með húshjálp og hvaðeina. Ræfilstuskurnar !! ekki vorkenni ég þeim og nú verða þeir að ganga í sjóði sína sem þeir geyma væntanlega á leynireikningum erlendis sem ég vil meina að sé ekkert annað en þýfi sem þeir eiga að skila. Reiðin er yfirgengileg í þjóðfélaginu og er það ekkert skrítið og eitt enn! eru ráðamenn í einhverjum vafa með loftvarnir sem bretar eiga að sjá um ? þessir teþambandi skíthælar geta þambað drullu og eiga ekki að koma nálægt neinu sem tengist okkar málum hver svo sem þau eru. Þeir eru búnir að gera okkur ljóst hvaða álit þeir hafa á okkur og nú skulum við taka slaginn og sýna þeim jafn mikla fyrirlitningu

Terrorismi

Jæja frá því að maður bloggaði síðast hefur margt skeð (gerst) maður er orðinn hryðjuverkamaður og skuldar 6 milljónum meira en maður gerði áður. Ég verð samt að viðurkenna að ég skil ekkert orðið lengur í þessu ástandi lengur og á það eitt sameginlegt með Björgúlfi yngri. Samt get ég ekki skilið hversu lengi Davíð Oddson á að sitja sem Seðlabankastjóri? er þjóðin endanlega orðin geðbiluð og veruleikafirrt? þessi maður er orðinn svo gersamlega úr takti við þjóðina að það mætti halda að hann byggi á annari plánetu. Ef þetta ástand væri í öðru landi en á íslandi þá væri búið að sparka þessum manni langt út í hafsauga. Geir Haarde er ekki nokkur maður til þess að valda því embætti sem hann er í , maðurinn er orðinn jafn hrokafullur og Davíð og hefur ekki sagt eitt einasta orð að viti allann þann tíma sem þetta astand hefur varað. Hingað til hef ég ekki tekið þessa svokölluðu auðmenn trúanlega en ég fékk talsvert álit á Björgúlfi Thor í Kompási á dögunum. Hann dró ekkert undan og vogaði sér að gagnrýna Seðlabankann og þá sem þar stjórna og fékk til baka frá þeim hroka og stæla sem átti að vera fyndið en málið er að fólki finnst Davíð Oddson bara alls ekkert fyndinn lengur og nú á hann bara að draga sig í hlé því hans stjórnmála og embættisferill er búinn og endalokin ekkert mjög glæsileg. Nú verðum við að standa saman um að leysa þessi vandamál sem við stöndum frammi fyrir og þar verða stjórnvöld einnig að sýna samstöðu, en hins vegar stöndum við líka frammi fyrir því að skipta um ráðamenn á öllum sviðum. Það tekur efalaust mörg ár fyrir ísland að ávinna sér traust annara þjóða og ekki hafa tjallarnir hjálpað til í þeim efnum og við eigum að slíta stjórnmálasambandi við þá strax og reka sendiherrann úr landi, við höfum átt í stríði við þá áður og unnið og getum vel gert það aftur, þeir buðu upp í þennan dans og so be it!

Áfram ísland!!