nýtt byssuskip

Það held ég að Bjössi hafi fílað sig í tætlur við þessa athöfn enda svag fyrir öllu sem tengist hervaldi og vopnum, gaman verður að sjá þetta fley á hafinu í framtíðinni

Kjölur lagður að varðskipi

Ránstilraun á Akureyri

Maður hélt nú að maður byggi í rólegu hverfi þar sem lítið sem ekkert kæmi uppá en annað var nú að sjá á dögunum en ég brá mér út í garð eitt kvöldið og var þá ekki lögreglumaður á vappi í garðinum hjá mér með vasaljós og lýsti í hvern krók og kima og einnig fór hann í næstu garða og skoðaði þá vel og vandlega. Áður en mér gafst ráðrúm til að afla mér upplýsinga um hvað vakti forvitni lögreglunar í garðinum mínum voru þeir horfnir á braut en svo komst ég að því að einhverjir óvandaðir einstaklingar höfðu reynt að ræna hverfisbúðina okkar en ekki haft erindi sem erfiði þar sem afgreiðslukonan tók ekki í mál að afhenda þeim peninga og varðist ódæðismanninum og hvarf hann á braut tómhentur. Morgunin eftir var par handtekið og gekkst maðurinn við því að hafa reynt að ræna búðina. Alveg tel ég víst að um utanbæjarfólk hafi verið að ræða enda trúi ég ekki að heiðarlegir og grandvarir Akureyringar geri svona lagað og hvet ég hér með óvandað fólk til að láta Hreiðrið okkar í friði hér með og leyfa okkur hinum að njóta þess að versla þar úm ókomna tíð. Annars er ég ágætur, losna vonandi við gifsið á morgun en á eftir að losna við bróderinguna hans Ara sem ég vona að komi vel út.

Hallærisleg tónlistarverðlaunaafhending

Alveg er rosalegt hvað þessi verðlaunaafhending á RÚV á þriðjudagskvöldið var hallærisleg, hver kynnirinn kom fram og hikstaði og stamaði og las eitthvert textabrot og tafsaði og tuldraði hvert orð. Maður fékk kjánahroll þegar maður horfði á þetta fólk reyna að gera þetta eins og stóru hátíðarnar úti í heimi en það misheppnaðist gjörsamlega. Hefði ekki verið gáfulegra að gera þetta aðeins fagmannlegra og þetta þurfti nú kannski ekki að vera í beinni útsendingu þar sem landinn sefur nú alveg rólegur yfir því hver fær íslensku tónlistarverðlaunin þrátt fyrir að sjálfsagt sé að veita þessi verðlaun þeim tónlistarmönnum sem eiga þau skilið.

Aumingjaskapur í Rúv

Alveg er það með ólíkindum hvað Rúv þarf alltaf að skíta uppá bak með alla hluti og nú með Formúluna, mér er bara spurn ? hvernig getur Sýn borgað meira en Rúv fyrir þetta sjónvarpsefni sem hefur sem betur fer náð hylli áhorfenda aftur eftir atvikið umdeilda þegar þeir félagar Schumacker og Barrichello eyðilögðu nánast sportið á sínum tíma. Sýn er með áskrifendur og þarf að berjast á auglýsingamarkaðnum en Rúv hefur traustar tekjur plús auglýsingar og ekki nóg með það heldur ætla þeir Sýnarmenn að hafa þetta 4 daga veislu í kring um hvert mót en þeir hjá Rúv sýndu tímatökurnar og svo frá mótinu með ekki þeim skemmtilegasta kynni sem maður hefur heyrt í en hann hafði þó all nokkurt vit á sportinu, það skal ekki tekið frá honum. Ég bara átta mig ekki á því hvað Rúv hyggst fyrir það er allt á niðurleið hjá þeim og frekar kaupa þeir sjöþúsund þætti af einhverjum dönskum krimma sem ekkert gerðist í frekar en að halda í áhugavert efni sem þeir höfðu. Mikið andskoti fer þetta í taugarnar á manni !!

Rasistar á íslandi?

Ég er svo aldeilis bit! getur það verið að rasismi viðgangist á íslandi?. Nú ætlar Bubbi að fara að halda tónleika gegn kynþáttahatri og búið er að loka vefsíðu sem einhver börn settu upp og þar var áróður gegn pólverjum sem virðist vera að aukast. Einhvernveginn finnst mér þetta minna á viðhorf gegn fólki af asískum uppruna fyrir nokkrum misserum en svo virðist sem það sé að mestu gengið yfir. Það er alveg á hreinu að við íslendingar verðum að horfast í augu við innflytjendur hvort sem okkur líkar betur eða verr og svona bull eins og að stofna félög gegn innflytjendum gagnast ekki nokkurn skapaðan hlut og eru einungis til hins verra

Kjánalegheit

Ekki ætlar fyrrverandi borgarstjóri og núverandi borgarfulltrúi að segja af sér og hætta þessari vitleysu. Heldur vill hann koma eina ferðina enn fram í sjónvarpi og reyna að klóra yfir þessa endemis vitleysu sem á undan er gengin. Allir sæmilega þenkjandi menn með einhverja glóru af siðferðiskennd væru löngu búnir að segja af sér en ekki Vilhjálmur. Ég var reyndar hissa á því að hann virtist nú muna út á hvað þetta mál gengur og þótti mér það mikil framför. En þá að öðru en mér þótti vænt um að Landhelgisgæslan sá sér fært að fara til móts við flugmann í nauðum og hafa þeir væntanlega ekki verið uppteknir við hrossarekstur en sjómenn eru ekkert sérlega hressir með að ekki var hægt að ná í slasaðan sjómann en ekkert mál var að fara austur á land að smala einhverjum hrossum. Nú er mál að ganga með þetta þyrlumál alla leið og fá eitt stykki staðsett á Akureyri og aðra á Egilsstöðum eða Höfn í Hornafirði. Það er nóg komið að kjaftæði og nú þarf að gera eitthvað.

Osama í Pakistan

Það er alltaf jafnfróðlegt að fylgjast með umræðunni um hvað Osama sé niðurkominn eða hvort hann sé á lífi yfirleitt. Það er alveg á hreinu að hann er á lífi en hvar er annað mál. Var ekki í umræðuni að hann væri að afsala sér forystuhlutverkinu í Al kaida til 16 ára gamals sonar síns ? eitt er skrítið að hann er ekki nema 42 ára gamall og á í glímu við nýrnasjúkdóm sem han þarfnast meðferðar við reglulega og hvað fær hann þá aðstoð? varla í einhverjum hellum í fjallendi Pakistan. Hann er verkfræðimenntaður frá Svíþjóð og hefur búið í hinum vestræna heimi meirihlutann af sínu lifi og er um margt mjög merkilegur maður og langt frá því að hann sé einhver vitleysingur en engu að síður gjörsamlega veruleikafirrtur. Þetta er maður sem hefur komið til íslands og sprangað um flugstöð Leifs Eiríkssonar daglangt

Segir bin Laden og múlla Ómar enn í Pakistan

Húrra fyrir Sigmari!

Fróðlegt að sjá Kastljósið í kvöld en þar var við stjórnvölinn færasti þáttastjórnandi landsins Sigmar Guðmundsson og það voru þau Vilhjálmur Þ. Vilhjálmsson og Svandís Svafarsdóttir sem fengu að kenna á hárbeittum spurningum Sigmars. Það var sorglegt að sjá Svandísi hiksta og stama og reyna að klóra yfir vitleysuna með stöðluðum svörum sem komu málinu ekkert við og fékk ég allt annað álit á henni því ég hélt að það væri meira í hana spunnið en þarna kom í ljós að margur getur gasprað endalaust um ekki neitt. Ekki kom Vilhjálmur mér á óvart en hann er einn litlausasti karakter sem gegnt hefur opinberri stöðu hér á landi held ég. Maðurinn er svo margsaga að það hálfa væri nóg og hann er búinn að fara í svo marga hringi í útskýringum sínum að það skilur enginn neitt í neinu. Hann bara man ekki neitt, skilur ekki neitt og ég er svei mér farinn að halda að hann viti ekki neitt. Loksins er kominn maður eins og Sigmar sem leyfir viðmælandanum ekki að röfla allt viðtalið og segja fólki ekki neitt heldur gengur hann hart til verks og það verður til þess að þetta fólk opinberar loks hvaða mann það hefur að geyma.

Reykingabann????

Nú held ég að fólk sé að ganga af göflunum varðandi þetta reykingabann á skemmtistöðum og umræðunni um reykingar almennt. Nú skilst mér að Ragnheiður Ásta vilji banna fólki að reykja í sínum eigin íbúðum??????? Hvað er eiginlega í gangi!! ég er fyllilega sammála því að banna reykingar á mörgum stöðum þó ég sé reykingamaður sjálfur, auðvitað á ekki að reykja þar sem það truflar börn og aðra þá sem er illa við tóbaksreyk og held ég að langflestir reykingamenn séu mér sammála og ég held einnig að reykingabann á skemmtistöðum hafi ekki orðið eins mikið mál og margir héldu en nú þegar veitingamenn barma sé og vilja koma upp sérstökum reykherbergjum sem mér finnst bara sjálfsagt þá ætlar allt að verða vitlaust og nú á bara að banna fólki að reykja nær alls staðar. Er þá ekki bara rétt að ríkið taki af skarið og banni innflutning og sölu á tóbaki ef þetta er svona gríðarlegt félags og heilsufarslegt vandamál? og eiga þessir þingmenn sem býsnast sem mest yfir reykingunum ekki að byrja á því að loka reykherberginu í alþingishúsinu áður en þeir vilja loka annarsstaðar. Fyrr má nú vera forræðishyggjan!. Ég bara vona að maður geti kveikt sér í rettu á þess að eiga það á hættu að víkingasveitin mæti í öllum herklæðum

Þvílíkt endemis rugl!

Eru þingmenn nú farnir að bulla um það hvort finna eigi nýtt heiti yfir ráðherra og fram hafa komið alls konar orð og orðskrípi meðal annars ráðfrú, ráðandi og fleiri og fleiri. Mikið rosalega fer þetta í taugarnar á mér ! hefur þetta fólk ekkert gáfulegra að gera en að fjargviðrast yfir þessu?. Manni gæti bara ekki verið meira sama um það hvort þau eru ráðherrar, frúr, ráðendur eð hvað þetta er allt saman. Ég held að þétta fólk ætti að hætta þessu kjánalega bulli og ætti að snúa sér að einhverjum mikilvægari málefnum